recent
أخبار ساخنة

اسهل طريقة لعمل السويسرول بالبسكوت نفس محلات الحلويات

الصفحة الرئيسية

طريقة عمل الكيكة الباردة السويسرول بالبسكويت

طريقة عمل السويسرول بالبسكوت نفس محلات الحلويات هتنبهري منها

طريقة عمل السويسرول بالبسكوت نفس محلات الحلويات بطريقة سهلة وبسيطة في المنزل مع اكلك احلي كيكة السويسرول يختلف الكيك بأنواعه وأشكاله ويعد من أكثر الحلويات طلبًا من قِبل المُستهلك، ويعد كيك السويسرول من أنواع الكيك الذي يتميز بشكله الأسطواني ومذاقه اللذيذ، ويمكن أن يُحضّر بنكهاتٍ متنوعة فمنه السويسرول بالشوكولاتة، والسويسرول بالفانيلا، والسويسرول بالفراولة، والسويسرول بالتوت وغيرها من الوصفات الأخرى، وكنا قد عملنا من قبل بسكوت التيراميسو الايطالي، وسنتعرف في هذا المقال على أسهل طريقة لتحضير السويسرول.

مكونات كيكة السويسرول

المقادير
  1. علبة بسكوت فيري
  2. كوب فول سوداني متحمص
  3. فانليا
  4. معلقة كاكاو خام
للحشو
  • كوب سكر بودره
  • كوب جوز الهند
  • قالب شوكلاته
  • ٣معالق كبار كريم شانتيه بودر
مكونات سويسرول البسكوت

خطوات عمل الكيكة الباردة او السويسرول

دي المقادير طبعا واضح من الصوره كل المقادير فول سوداني متحمص وعلبة البسكوت والشوكلاته الغامقه وكيس فيه كريم شانتيه ويكون الكريم بدون سكر علشان السويسرول ميكنش مسكر قوي لأن أساسا البسكوت مسكر وطبعا الكاكاو في البرطمان كاكاو أسباني لأنه بيكون غامق جدا وكمان بيكون مفهوش رمل يخليه يقرقش في الأكل. 

تقشير الفول وتجهيز البسكوت


قشرت الفول السوداني وكسرت البسكوت علشان اعرف أطحنه كويس خلو بالكم وركزوا معايا. 

تسييح الشيكولاته


غليت مج حليب وطفيت النار طبعا ثم بحط قالب الشوكلاته وبتركه في سخونت الحليب حتي يسيح. 

تجهيز صوص الشيكولاته





شايفين الشوكلاته ساحت طبعا كل شويه كنت بقلبها في الحليب علشان تدوب وحطيت معلقتين كاكاو كما تشاهدون طحنت البسكوت والفول السوداني وقلبتهم مع بعض وهنزل بالشكولاته علي البسكوت أنا طبعا محطتش سكر علي الشكولاته ولا علي البسكوت إلي عاوز يحط كوب سكر مطحون ماشي يحط بس انا محطتش سكر علشان أعرف اكل منها وكمان إلي عامل دايت ياكل منها لأن الكاكاو الخام مش بيزوذ الوزن بالعكس وطبعا انا حطيت كوب حليب منزوع القشطه منت لأنني كنت غلياه من قبل.

عجن كيكة السويسرول


حطيت الشوكلاته علي البسكوت وعجنتهم كويس جدا حتي كونوا عندي عجينه لينه وجميله بتركها خمس دقايق لأنها بتكون سخنه طبعا الفول السوداني الي طحنته ظاهر لأنني مطحنتوش في المطحنه عملته في الكبه عملته علي طول. وبعدها العجينه بردت هنزل بالعجينه علي ورقت الزبده وأفرده زي الفطيره.

طريقة حشو سويسرول البسكوت او الكيكة الباردة

طبعا واضح من الصوره فردتها كويس والكبه الي ظاهره ضربت في الكبه ٣معالق من الكريم شانتيه مع كوب حليب 🥛 مثلج أو كوب ميه مثلجه وكوب سكر ناعم وفانليا وبضرب جيدا حتي يجمد ولما يجمد بضع كوب من جوز الهند علي الكريم شانتيه وبضربهم تاني حتي حتي يتجانسوا مع بعض لأن هي دي الحشوه الي هحطها في البسكوت. 

فرد كيكة السويسرول


واضح فردت الحشوه علي البسكوت وهلفها رول واحد واحده براحه وبهدوء علشان تتلف كويس.


وضع الكريم شانطيه علي السويسرول


خلاص لفتها رول وهحطتها ساعتين في الفريزر حتي تتجمد وتعرفي تقطعيها 👍


لف كيكة السويسرول


خلاص جمدت وخرجتها من الفريزر ثم أقطعها وأحطها في سرفيس واسع وأرصها واحده جمب واحده وطبها تتأمل بالهنا والشفا على قلوبكم يارب والباقي نتركه عادي في الثلاجه مش في الفريزر إحنا هنحطه في الفريزر علشان نعرف نقطعه وبعدين نضعه في الثلاجه عادي للأكل علشان فيه شوكلاته بتخلي البسكوت متماسك وجميل.

طريقة عمل السويسرول


ماشاء الله تبارك الله ربنا يزيد ويبارك يارب إتفضلوا أسهل طريقة لعمل سويسرول البسكوت في طرق كتير بنضع فيها البسكوت علشان لو كنتي عمله بسكوت ومش لاقيه حد ياكله ممكن تعمليه. إتفضلوا أحلي سويسرول بالهنا والشفا يارب يكون عجبكم
وفي رعاية الله وأمنه مع تحيات اكلك احلي بحبكم في الله جميعا.

والسلام عليكم ورحمة الله وبركاته 

لمشاهدة الطريقة كاملة بالفيديو علي اليوتيوب











author-img
hanan khashan

تعليقات

ليست هناك تعليقات
إرسال تعليق
    google-playkhamsatmostaqltradent