recent
أخبار ساخنة

طريقة عمل الكبدة الاسكندراني والمخ البانيه نفس المطاعم بالظبط هتعجبك جدا

الصفحة الرئيسية

طريقة عمل الكبدة الاسكندراني والمخ البانيه

اولا: طريقة عمل الكبده الاسكندراني.

تعتبر الكبدة الإسكندرانى من أشهى الأكلات التى يقبل الجميع على تناولها، حيث ان لها مذاقا لذيذا وتعتبر من اشهر الاكلات في مصر ويفضل الناس اكلها في ساندويتش مع الطحينة والمخلل، كما يمكن تقيدمها بجوار المكرونة أو الأرز الأبيض. النهارده هتعرفوا طريقة عمل الكبدة الاسكندراني وكمان تتبيلة الكبدة الاسكندرانى زي كبدة جملي كدا.

المقادير
  1. نصف كيلو كبده
  2. نصف كيلو فلفل
  3. ٢معلقة كسبره ناشفه
  4. ٢معلقة كمون
  5. ربع معلقه من الفلفل الأسود
  6. معلقة ملح
  7. ثوم
  8. ٣معالق خل

مقادير الكبدة الاسكندراني


بسم الله ربنا يزيد ويبارك اول حاجه بقطع الكبده رفيعه علشان تستوي بسرعه وطبعا المقادير جاهزة اهم حاجه متنسوش دعاء الاستخاره كل ماتدخلوا المطبخ هتقولوا طب احنا عارفين الطبخه دي بتتعمل إزاي ليه بقا نقول هذا الدعاء وأنا بقول والله دعاء الاستخاره بيفرق كتييير جدا بيخلي ربنا تبارك وتعالى يلهمك بتكه حلوه محدش عملها و بتنجزي بسرعه وبتكون الأكله طعمها جميل جداً جداً. 
انا هقطع الكبده طوليا هقسم الكبده نصفين علشان متكنش طويله في القطع بعد ما اقسمها بقطعها طوليا لكن متتغسلش خالص بعد ما بتقطعيها أنا غسلتها وهي كده بحلها لكن بعد ما تتقطع متتغسلش وطبعا هقطع الفلفل.

تقطيع الكبدة الاسكندراني


خلاص قطع الكبده وحطاها في مصفي علشان تنزل الدم إل فيها والصوره فيها الكبه هحط فيها التوم والخل والبهارات وطبعا المخ في طبق صغير علي الجمب.


خلط مكونات الكبدة الاسكندراني


.خلاص ضربت ٣ قرون من الفلفل الأخضر والتوم وحطيت الخل والبهارات كمون والكسبره وضربتهم كويس

تسيح لية الخروف


حطيت نصف كوب زيت وقطعت قطعة ليه علشان لما تسيح في الزيت تعطي للزيت طعم الليه بتكون خرافه والله تركت الليه تسيح ثانيه واحده, ثم طبعا كنت حطيت الخلطه إلي ضربتها في الكبه علي الكبده وتركتها خمس دقايق علي ما الليه تسيح طبعا علي نار هادئة علشان الليه متتحرقش نزلت بالكبد وبشوحها خمس دقايق حتي تاخد صدمه وتتشرب من .الزيت والليه والخلطه دي فيها الملح والخل والبهارات والتوم

خلط لية الخروف مع الكبدة الاسكندراني


.ثم بنزل بنصف كيلو فلفل أخضر وبقلبهم كويس خمس دقايق هي الكبده بتسوي بسرعه ثم بطفي النار 

تشويح الفلفل مع الكبدة الاسكندراني


خلاص خلصت الكبده عملت فحره كده في المنتصف وحطيت ورقه من الالمونيوم ووضعت فيها فحمه كنت حمرتها علي النار حتي إحمرت خالص لو الفحمه محمرتش خالص هتكون خطر جدا جدا لازم تحمر طبعا بحطها في منتصف .الكبده وبحط قطعه صغيره من الليه أو من .الزيت وبعطي وبالهنا والشفا على قلوبكم 

طريقة عمل الكبدة الاسكندراني

ثانيا: طريقة عمل المخ البانيه

المخ من الأطعمة المهمة والمفيدة للجسم فهي تعد من أفضل الاكلات الصحية، وتمد للجسم الكثير من الطاقة، وتعمل المخ علي تحسين الذاكرة ويساهم في تنظيم الخلايا العصبية والصورة دي للمخ طبعا أخذت خلطه من إلي كنت عملاها للكبدة وتبلت المخ كويس وتركته على ما أخلص الكبدة ثم تبلتها في البقسماط إلي في هذا الكيس طبعا انا كنت عملت خلطة البقسماط قولت إني بشتري دقيق ذره أصفر من اي محل وبحط فيه توم بودرة وبصل بودر وشطه وكمون وكسبره وببريكا وكربناته أو بودرة وملح لما بستعمل البقسماط ده مش بحط عليه حاجه خالص.

طريقة عمل المخ البانية

حطيت زيت تحمير وطبعا قطعة ليه صغيره علشان تعطي للزيت طعم الليه ومتخدش طعم الزيت بتاع التحمير حمرت .المخ علي نار هادئة علشان يكون مقرمش من بره وطري من جوه

تحمير المخ البانية






ودي كانت طريقة عمل المخ البانيه والكبدة الاسكندراني بالتتبيلة السرية بتاعت 
المطاعم يارب تكون عجبتكم.
.مع تحيات اكلك احلي والسلام عليكم ورحمة الله وبركاته

 الطريقة كاملة بالفيديو موجودة علي اليوتيوب


author-img
hanan khashan

تعليقات

ليست هناك تعليقات
إرسال تعليق
    google-playkhamsatmostaqltradent