recent
أخبار ساخنة

طريقة عمل بسكوت التيراميسو الايطالي | الكيكة الباردة بدون فرن

الصفحة الرئيسية

طريقة عمل التيراميسو بالكريم شانتيه


طريقة عمل بسكوت التيراميسو الايطالي بالكريم شانتيه والنسكافيه | الكيكة الباردة بدون فرن

التيراميسو هو احد اشهر انواع الحلويات الايطالية والمشهوره حول العالم, طعمه لا يوصف, كما انه سهل وسريع التحضير,التيراميسو هو عبارة عن طبقات حلوة من البسكوت و الكريمة تشبه الكيك , و هي نوع من الحلويات الايطالية اللذيذة الذي غالبا ما يكون بطعم القهوة و لكن يمكن عمله بالشيكولاتة او الكراميل او غيرها من النكهات التي تفضلينها . نقدم إليكم طريقة عمل البسكوت بالنسكافيه او الترمسوه بدون جبنه الطريقة الاصلية قفط في مدونة اكلك احلي.

مكونات بسكويت التيراميسو الايطالي

المقادير ...
  1. ٢ علبة بسكوت فري
  2. ربع كيلو كريم شانتيه
  3. معلقتين سكر أو عسل نحل
  4. معلقتين نسكافيه 
  5. ٢ كوب حليب أو ميه مثلجه 

تحضير بسكوت التيرمسوه



طبق فيه ملعقتين نسكافيه وبحط عليهم كوب حليب دافي علشان البسكوت يشرب منه بسرعه والطبق الاخر فيه ربع كيلو كريم شانتيه وطبعا موجود علبتين بسكوت ممكن تعملوا علبه فقط لكن انا بعمل علبتين علشان تفضل عندي وقت أكبر لكن الترميسوه الايطالي بيحطوا عليه ٢بياض بيضه يعني يعملوا زي مارنج ثم يحطوه علي الكريم شانتيه لكن طعمه مش حلوا أبدا ولو البسكوت فضل لليوم الثاني طعمه بيتغير وبيكون طعم زفارت بياض البيض فيه من الاخر الطريقه دي بعملها بفضل الله من ٣٠ سنه والكل يشهد بالطعم الجميل.


الصوره دي حطيت كوب حليب ساقع والكوب الاخر جمب حلة العجان طبعا العجان عندي باظ مكملشي سنه عندي وباظ من إنه ترنادوا فطبعا هضرب الكريمه في المضرب العادي يعني ربع كيلو كريمه بياخد ٢ كوب حليب أو ميه مثلجه طبعا حطيت كوب حليب إلي في هذه الحله هسخنه وأدوب فيه النسكافيه وأبل بيه البسكوت طبعا حطيت الحليب مع معلقة سكر مع زجاجة الفانليا وهضرب الكريم شانتيه لمدة ربع ساعه حتي يجمد خالص ممكن تقللو المقدار يعني تمن كيلو كريم شانتيه وعلبه واحده بسكوت.

خلط مقادير بسكوت التيرمسو



خلاص كده الكريمه ضربتها والحمدلله هو الميزه في العجان إني كنت بشغله وأتركه يضرب برحتها علي ما أكون طبخت أو غسلت مواعين كده يعني لكن إظاهر مركه مش كويسه لكن. انا كنت جيباه علشان يعجنلي ٢ كيلو دقيق مثلا.

وضع الكريم شانتيه والبسكوت والنسكافيه 



عملت خلاص الكريمه وفردت شوية كريمه في قاع الصينيه وطبعا طبق النسكافيه جاهز حطيت كوب حليب منزوع الدسم علي ٢معلقة نسكافيه ومعلقة عسل وقلبتهم كويس وفرغت كل البسكوت علشان يكون كله جاهز جمبي بمسك كل ثلاث بسكوتات مع بعض وأبلهم في النسكافيه وأحطهم في الصينيه لغاية ما أمله أول طبقه من البسكوت.


طبعا واضحه خلصت أول طبقه وحطيت الكريم شانتيه علي الوجه لكن تركت نصف الكريمه علشان تشوفي أول طبقة بسكوت طبعا انا قطعت واحده من الموز لان هي دي إل كانت جمبي فقطعتها وحطتها بعني ممكن متحطوش موز خالص دا هي دي إل حطاها كده يعني لان الموز بيحلي أي حاجه حلوه انا عملت صنيتين وحطيت علي كل واحده موزه واحده لكن أساسا الطريقه مفهاش موز.


خلاص كده خلصت أخر طبقه يعني هما طبقتين فقط بس كل طبقه ببل ثلاث بسكوتات وبحطهم علشان تكون الطبقه عاليه وشكلها مورء طبعا هحط علي الوجه الكريم شانتيه وكده خلاص خلصنا سهله سريعه أسرع من الكيك كمان.



دي أخر طبقه من الكريم شانتيه.

تزيين البسكوت التيراميسو



برش علي الوجه نسكافيه ناشف بفركه بين صوابعي علشان أنعمه وانا برشه علي الوجه إتفضلوا إن جربتوه معنتوش هتعملوا كيك خالص حتي لو عندك ٢ باكو بسكوت ممكن تعمليه في طبق صغيره للاولاد هتقولوا طب ممكن نعمله بالمهلبيه عملتها والله بس تحسي إن الكريمه أخف وأطعم عملت من قبل البسكوت وحطيت طبقات من المهلبيه والموز بس.


ماشاء الله إتفضلوا بالهنا والشفا علي قلوبكم أحلي طعم واسهل طريقه لعمل البسكوت بالنسكافيه او التيراميسو او الترمسوه كيكه سهله جدا بدون فرن اتمني تكون عجبتكم.

لمشاهدة الطريقة كاملة بالفيديو علي اليوتيوب 





 

author-img
hanan khashan

تعليقات

ليست هناك تعليقات
إرسال تعليق
    google-playkhamsatmostaqltradent