recent
أخبار ساخنة

طريقة عمل كيكة الشاي العادية خفيفة وسهلة وسريعة

الصفحة الرئيسية
طريقة عمل كيك الشاى


طريقة عمل كيكة الشاي العادية خفيفة وسهلة وسريعة طعمها تحفة بمكونات بسيطة

كيكة الشاي الهشه يمكن تحضيرها كل يوم مع الشاي حيث أنه سهل التحضير ومكوناته بسيطة وموجودة في كل بيت وتقدّم مع الشاي أو العصير أو القهوة أو أي مشروب ساخن.

المقادير

1.      ٧وحدات من البيض 

2.      ٢فانليا

3.      مج من السكر نصف كيلو

4.      ٢كيس بيكنج بودر

5.      ربع معلقه من الكربناته بيكربونات الصودا 

6.      مج زيت

7.      نصف معلقه صغيره ملح 

8.      معلقه كبيره خل 

9.      مج حليب دافي نصف كيلو

10.  كيلو دقيق

11.  نصف كوب ميه دافيه

12.  كيس لبن بودره

13.  ٢معلقه كبيره كاكاو خام 



هي دي المقادير مج مليان سكر ومج حليب دافي والمج الثالث بحط فيه زيت ذره وطبعا ٢كيس بيكنج بودر وكيس لبن بودره ومعلقة الخل وزجاجة فانليا وهاخد من  البرطمان ده ربع معلقه كبيره بيكربونات الصودا إلي بنحطه علي الطعميه المقادير دي الكيكة الكبيره دي ماشاءالله  لكن إذا كنتي عاوزه تعملي كيكة وسط فكالاتي:
    • ٤بيضات
    • زجاجة فانيليا
    • كوب سكر
    • · كوب حليب دافي
    • · كوب إلى ربع زيت ذرة
    • · ربع معلقه صغيره ملح
    • · ربع معلقه صغيره كربونات ه
    • · معلقة خل علشان تشيل زفارة البيض وبتخلي الكيك هش
    • · كوب سكر 


هذه الصوره أكبر صينيه بدهنها بأي زيت وبفرش فيها ورق زبده من الكبير وطبعا بظبط ورقة الزبده وبقطع بالمقص باقي الورقه علشان متتحرقش في الفرن وبعد ما بفرش ورقة الزبده وبسويه كويس من الداخل بدهن أيضا الورقه من الداخل علشان متلزقش الكيك في ورقة الزبده خلاص كده حضرت الصينيه وولعت فرن البوتجاز من تحت فقط وحضرت شبكة في المنتصف وهديت النار طبعا كل حاجه جاهزه الان نضرب بقه خليط الكيك.


كما تشاهدون صوره عجينة الكيك طبعا ضربت كل الخليط في الخلاط يعني الكيكه دي مخدتشيي ربع ساعه معايا كله ضربه في الخلاط لكن علشان مصوراه فديو فمعنديش صورة الخلاط والخيط فيه. أنا حطيت الزيت مع الحليب مع السكر والبيض والفانليا والخل وضربتهم لمدة ربع ساعه بس ضرب مش متواصل علشان الخلاط ميتخرقش بضرب وأفصل أضرب وأفصل الخلاط لمدة ربع ساعه حتي السكر يذوب لأن السكر خشن طبعا محضره الدقيق نخلاه بمنخل الحرير علشان بيحوش اي شوائب حطيت علي الدقيق الملح اللبن البودره حطيت البيكنج بودر ثم بنزل بالخليط إلي ضربته في الخلاط لو معندكيش حليب ممكن تضعي كوب ميه دافيه مع كيس لبن البودره. خلاص انا حطيت العجينه كلها في الصينيه لكن تركت كميه بسيطه جدا من العجينه حطيت عليها ٢معلقه من الكاكاو الإسباني لأن هو انضف كاكاو طول عمري بدور علي نوع كويس من الكاكاو لأن الكاكاو بيكون فيه رمل فبيخلي الحلويات تقرقش لأن فيها رمل لكن قدر لقيت الكاكاو الإسباني ده جربته كان تحفه في أي معجنات أو الكريمه طبعا احنا في بلد أرياف ومستحيل إنك تلاقي كاكاو نضيف. حطيت معلقتين من الكاكاو وحطيت نصف كوب ميه دافيه وبضربهم كويس ثم بنزل علي العجينه وبرش العجينه إلي فيها كاكاو علي وجه العجينه وبدخل العجينه الفرن علي نار هادئه لمدة نصف ساعة حتى تنضج طبعا متفتحيش أبدا علي الكيك لمدة نصف ساعة لأن لو فتحتي الكيك هيهبط منك لما تمر نصف ساعة إفتحي باب الفرن وضعي طرف السكينه في الكيك, إن السكينه طلعت نظيفه مفهاش عجين إطفي نار الفرن من تحت ونزلي صنية الكيك تحت خالص وولعي شواية الفرن من فوق لمدة ثانيه هتحمر هتطفي الفرن وتخرجي الكيك, طبعا تكوني محضره صينيه اخري مفروشه بورق الزبده تقلبي الكيك وتشيلي ورقة الزبده إلي كانت تحت الكيك وتتركيها تبرد عاوزه تحطي عليها الوجه كميه بسيطه من الشربات ماشي علشان يعطيها لمعه جميله جدا عاوزه تحطي رشه بسيطه من صوص الكرميل ماشي انا عملت صوص الكراميل مخصوص ورشيته علي الوجه اعطي طعم خرافه للكيك.



صوره كما تشاهدون صوص الكراميل حطيت كوب سكر في الحله مع ٣معالق ميه وعلي نار وسط طبعا بترك السكر يحمر, ثم بحضر كوب حليب مع معلقة دقيق مع معلقة كريم شانتيه بودر وبقلب ثم بنزل علي السكر بعد ما يحمر لكن بكون مهديا النار خالص علشان السكر ميفورش من الحليب بتركهم حتي السكر يذوب مع الحليب خالص طبعا الصوره واضحه, بحط قطعة زبده بتخلي الكراميل طعمه جميل, لما الكراميل يبرد بعبيه في برطمان وبتركه في الثلاجه لأي حلي تزيني بيه طبعا الكراميل لما حطيته علي الكيكه اعطي طعم خرافه للكيك ممكن اذا كنتي عاوزه الكيكه طريه ومتنشفش في الثلاجه بتكوني محضره كوب حليب وبجوبي في ٣معالق سكر أو عسل نحل وبتسقي الكيك منه بعد مابتخرمي الكيكه بخله علشان لما تسقي الكيك يتشرب الحليب والكيكه متنشفش منك في الثلاجه.


بعد ما خلاص الكيكه بردت قطعتها كما تشاهدون طبعا زينتها بصوص الكرميل ودي كانت طريقة عمل كيكة الشاي العادية خفيفة وسهلة وسريعة.

مع تحيات اكلك احلي والسلام عليكم ورحمة الله وبركاته.
لمشاهدة الطريقة كاملة بالفيديو علي اليوتيوب 





author-img
hanan khashan

تعليقات

ليست هناك تعليقات
إرسال تعليق
    google-playkhamsatmostaqltradent