recent
أخبار ساخنة

طريقة عمل فطيرة الطاسة بالبلح او سادة بطريقة سهله في البيت احلي من المطاعم


طريقة عمل فطيرة الطاسة بدون فرن في المنزل

طريقة عمل فطيرة الطاسة السادة والمحشية بالبلح

طريقة عمل فطيرة الطاسة بشكل سريع وسهل، وهي واحدة من الاكلات الذيذة المشهورة في مصر، ويمكن ان تؤكل حادق او حلو بطريقة غير مكلفة.

مكونات فطرية الطاسة

المقادير
  1. كيلو دقيق (متعدد الأغراض)
  2. ربع معلقه صغيره ملح
  3. معلقتين سكر أو عسل نحل
  4. مجين ميه دافيه
  5. زجاجة فانليا
  6. قطعة خمير أو معلقه فوريه

تجهيز المادة الدهنية (زيت + قشطة)

طبعا الصوره دي واضحه سخنت زجاجة زيت عادي وحطيت عليها قشطه كانت عندي في الفريزر وبقلبهم كويس حتي تسيح القشطه مع الزيت وبدهن بيها كل الفطير بصراحه وفر عليا كتير الموضوع ده زجاجة زيت مع نصف كيلو قشطه كان عندي وعملت منهم ٣كيلو دقيق ماشاءالله.

تجهيز المادة الدهنية

تجهيز الدقيق لعمل فطيرة الطاسة (نخل الدقيق)

الصوره دي الدقيق أنا بنخل كمية الدقيق الي هعملها فطير وبنفس معيار الدقيق نصفهم ميه دافيه يعني لو ٤موب دقيق يبقي ان شاء الله ٢ كوب ميه دافيه لازم الدقيق يكون زروا أو متعدد الأغراض أو دقيق للفطير لأن اي دقيق بيخلي الفطيره مشدودة وزي الخشب يعني ناشفه وبتتكسر طبعا الفطير المشلتت عمله زي الفطير ده لكن الفرق الخميره متحطيش الخميره يبقي فطير مشلتت خلاص كده الموضوع واضح نخلت الدقيق حطيت ربع معلقه صغيره وزجاجة فانليا لإن الفانليا بتخلي ريحة الفطير تجنن بحضر الميه الدافيه وبحط معلقتين سكر أو عسل نحل والخميره وبحطهم علي الدقيق. 

نخل دقيق فطيرة الطاسة

عجن دقيق فطيرة الطاسة

كما تشاهدون انا كنت لسه بعجن خلاص انا في آخر العجن في هذه الصوره فبحط ٣معالق زيت في آخر العجن علشان بتخلي العجينه ناعمه وملساء لازم الفطير يتعجن كتير علشان يعمل عرق بغطيه واتركه ربع ساعه حتي يخمر. 

عجن فطيرة الطاسة

تكوير العجينة

انا أرصته كما تشاهدون وبرش دقيق بين كل رغيف وتحته علشان مش يلزق في بعضه طبعا بغطيه علشان الوش مش ينشف. 


تكويرعجية فطيرة الطاسة

فرد عجينة فطيرة الطاسة

باخد أول رغيف وبحط تحته دقيق وعلي الوجه دقيق وأفرده كويس جدا كما واضح من الصوره انا بحب افرده علي المشمع ده علشان بيسهل عليا الفرد لأنه بيزفلطه بسرعه أنا بحط دقيق وبفرد بالدقيق علشان يخلي الفطيره طبقات.

فرد عجينة فطيرة الطاسة

دهن الفطيرة بالزيت والقشطة

دهنت الفطيره كلها مخلتش مكان فيها إلا ودهنته ثم بطبق الاطراف وبدهنهم برضه انا كنت طلعت البلح وغسلته وقشرته وبحطه علي الفطيره الآن بعد ما طبقتها بهذا الشكل.

دهن فطيرة الطاسة بالزيت


بسخن الفرن انا مش بعمله في الطاسه لأنني بارص الرغيف كبير علي ما أحطه في الفرن علشان أنجز بسرعه. انا بحب اعمل كميه علشان اخزنه في الفريزر وابقي للأكل ٢ من الفطير علشان الي بعينه في الفريزر بينفعني جدا لما أكون مش قادره اطبخ أو كنت مشغوله في حاجه بعملها ومش فاضيه أطبخ بطلع الفطيره من الفريزر وأحطها في الفرن واسخنها زي مايكون لسه عملاها انا طبعا حطه الفطيره أهو في الفرن مولعه تحت فقط لكن مشغله المروحه وأول ما الفطيره تحمر من تحت أولع الشوايه ثانيه وأطفي بسرعه لأنها بتحمر بسرعه فلازم تخدوا بالكم في هذا الوقت. المدة 10 دقائق لكل وجه.


وضع العجينة في الفرن او علي الطاسة

طريقة عمل فطيرة الطاسة بالبلح

بعد ان انتهينا من عمل فطيرة الطاسة السادة نقوم بعمل نفس الخطوات ولكن نغسل البلح اولا ثم نقشره. ثم نحشي الفطيرة بالبلح ووضعها في الفرن.
 
طريقة عمل فطيرة الطاسة بالبلح


وفي رعاية الله وأمنه مع تحيات اكلك احلي
والسلام عليكم ورحمة الله وبركاته 

يمكنك مشاهدة الطريقة كاملة بالفيديو علي اليوتيوب



 



google-playkhamsatmostaqltradent